NLW MS. Peniarth 190 – page 72
Ystoria Lucidar
72
ỽynteu oc eu|diangk. a chyfyaỽn yỽ y|r rei
drỽc oc eu hachaỽs e|hunein vynet ynghyfyr+
goỻ. kanys oc eu|bod e|hun y|dewissant y drỽc
ac y karant. ac ỽynt a vynnynt eu byỽ yn
dragywyd. discipulus|Paham y gat duỽ y|r etholedi+
gyon bechu. Magister Y dangos meint y drugared
ỽrthunt. discipulus A vydant iach yr etholedigyon o+
ny lauuryant. Magister Wynt a|gaffant y deyrnas
drỽy wedieu neu lauuryeu. megys y dywe+
dir. Drỽy lawer o draỻodeu y mae reit yn+
ni dyuot y deyrnas duỽ. kanys y rei byche+
in drỽy chwerwed angheu a|deuant y|r|nef.
a|r rei oedaỽc drỽy lauur. kanys ysgriuenne+
dic yỽ. Yn ty vyn tat i y maent ỻaỽer o gy+
uanhedeu. a phaỽb a geiff y bressỽyluot he+
rỽyd y briaỽt lauur. a|r mỽyhaf y lauur
uchaf vyd y le. a|r ỻeiaf y lauur issaf vyd y|le.
ac ny dichaỽn neb lauuryaỽ mỽy noc a
dangosso dwyỽaỽl rat idaỽ. ac ny cheiff am+
gen bressỽyluot noc a rac·weles duỽ idaỽ
kynn dechreu byt. kannyt eidaỽ y neb o+
| « p 71 | p 73 » |