NLW MS. Peniarth 31 – page 24v
Llyfr Blegywryd
24v
a dyly y talu. O|r byd rỽg y talaỽdyr ar dylyaỽdyr
dyd gossotdedic y talu y dylyet; ef a dylyhir aros
y dyd. Pỽy bynhac a ouynho dylyet trỽy gỽyn
kyn y oet; kyhyt a hynny y dyly bot hebdaỽ gỽ+
edy yr oet. Pỽy bynhac a gymerho gafel dros
dylyet heb ganhat arglỽydiaeth; camlyryỽs*
uyd. Teir fford y byd ryd mach am dylyet ky+
uadef. Vn yỽ o rodi oet heb y ganhat dros yr oet
kyntaf. Eil yỽ talu y dylyet. Tryded yỽ dỽyn
gauel am y dylyet. Oet mach y ỽybot a|e ma+
ch a|e nyt mach; tri dieu. Reit yỽ dyuot teir
llaỽ y gyt ỽrth rodi mach y dyn. llaỽ mach
a llaỽ y neb a|e rotho yn vach. a llaỽ y neb a|e
kymerho. ac ymffydyaỽ o laỽ y laỽ. O|r byd vn
llaỽ eisseu o hynny yn ymffydyaỽ; balaỽc ve+
chni y gelwir honno. Eithyr y lle y del dyn yn
vach kynnogyn. drostaỽ e|hunan neu dros
a·rall ny|s rotho yn vach. Ansaỽd balaỽc
yỽ bot y neill pen idaỽ yn rỽym ar llall yn ryd.
Ac ỽrth hynny o|r kymer y dylyaỽdyr ffyd y
talaỽdyr ar talu y dylyet; a ffyd y mach ar
gymell y talaỽdyr; pop vn o·honunt a|dyly
gỽrtheb o|e amot yr dylyaỽdyr. Ony chymer
onyt ffyd vn o·honunt ny dyly eithyr vn ỽr+
| « p 24r | p 25r » |