LlGC Llsgr. Peniarth 32 (Y Llyfr Teg) page 200

hanher dyd. ac na|dylyir enynnu kyfreith. gỽedy

hanher dyd. a|dywedut o|r haỽlỽr y bot yn ha+

ỽl mach a|chynnogyn. a|dodi ar|kyfreith. yn|y ỻe y

bo haỽlỽr ac amdiffynnỽr a mach rac deu+

lin ygnat. y bot yn kyfreith. diannot. Yna y|dyweit

kyfreith. Py le bynnac y carcharer kyfreith. ual yn dydyeu

dydon. neu gyfreith a dygỽydho ar sul. neu

ar lun. neu kyfreith. tir a|daear y kynhaeaf a|r gỽ+

anhỽyn; bot yn vch karchar yr amseroed

hynny no haỽl mach a chynnogyn. kanny

eỻir eu gỽneuthur yn|yr amseroed hynny

yn|diannot. Nyt oes achỽysson ereiỻ a|e han ̷+

uotto. o·nyt tri. corn y brenhin. a haỽl treis

a haỽl ledrat. Reith ỻeidyr a|dylyant tygu

eu bot yn gyn nesset idaỽ ac y|dylyont talu

galanas a|e chymryt y·gyt ac ef. O|deruyd. y yg ̷+

nat kymryt gobyr neu var ar obyr yr|dyuot

y dadleu. kyfreith. a|dyweit na|eiỻ ef vot yn vraỽtỽr

ar y dadleu hỽnnỽ. o geỻir y broui arnaỽ. kan ̷+

ny|dyly ygnat namyn gobyr kyfreithaỽl; ac nat kyfreith+

aỽl hỽnnỽ. Ny dyly ygnat gobyr am dim yny

darffo idaỽ barnu y vraỽt a varnho; a|chyn

y datkan; kymeret vach ar y obyr. ac ony|s

kymer; bit heb dim. Ny dylyir ỻyssu ygnat

am dim; namyn am yr agkyfreith. a|wnel o|r dadleu

y bydher yn traethu o·honaỽ; kanys tauaỽtryd

yỽ.

NLW MS. Peniarth 32 (Y Llyfr Teg) – page 200