NLW MS. Peniarth 33 – page 173
Llyfr Blegywryd
173
innaỽc dros ẏ|llo Keithi* kẏn+
fflith ẏỽ; vn ar|bẏmthec; dros
ẏ|llaeth. A|pedeir dros ẏ|llo. Dros
laeth wẏthnos; keinnaỽc O tri
mod ẏ|telẏr teithi buch; o dec ar ̷
hugeint arẏant. neu uuch hoab*
dec. neu vlaỽt. Os o|vlaỽt. val h ̷+
ẏnn ẏ|telir;. Messur llestrẏ* llaeth
buch. naỽ motued ẏgkẏlch ẏr ne* ̷ ̷+
u. A|their ẏn llet ẏ|waelaỽt. Ar|sei ̷+
th ar wẏr o|r cleis traỽ ẏ|r emẏl ẏ ̷+
ma vẏd ẏ|vchet. lloneit hỽnnỽ a
telẏr o|vlaỽt keirch ẏg|kẏueir pob
godro ẏ|r uuch hẏt wẏl giric. Odẏ ̷+
na hẏt aỽst o|ỽlaỽt heid; Odẏna
hẏt galan gaẏaf o|vlaỽt gỽenith.
ynn|ẏ messur hỽnnỽ ~ ~ ~ ~ ~ ~ ~ ~ ~
G werth llo gỽrẏỽ hẏt galan
racuẏr; whe|cheinnaỽc ẏỽ.
O|hẏnnẏ hẏt aỽst; ẏnn|ẏ trẏded
vlỽẏdẏn. dỽẏ geinnaỽc bop tẏm+
hor arnaỽ a|dẏrcheif. kalan racu+
ẏr gỽedẏ hẏnnẏ; dỽẏ ar|hugeint
a|tal. Hẏt galan whefraỽr; pedeir
| « p 172 | p 174 » |