NLW MS. Peniarth 35 – page 67v
Llyfr Cynghawsedd
67v
e kyfreith e| dodaf| y na deleaf| y de atep na|th guaran+
dau dy bellach am er haul hono. Os adef er
haulur henne byt ar| a| gauas. Os guata enteỽ
deruid e| den. [ henne gater y prau er amdifynnwr
benfygyaỽ peth y arall ac en| e benfyc
hỽnnỽ deuot y den y dam·dug en llau e ben+
fygyỽit ydau. Ac ar henne kennyc o|r| den e
may e benfyc ganthaỽ e| da er dyn a|y benfy+
gyỽys idau ef. ac ena dewedut o|r den e| ben+
fygyỽit idau ef na bu eydau ef eyryoet
y da hỽnnỽ ac na|s benfygyỽs ef e da hỽnnỽ
nac idau ef nac y nep. e kyfreith a| deweit bot en
Jaun er den e| may e| da ganthau prouy
ar den a|y benfygyỽys y| dyuot y ganthau
o benfyc. ac ofyna e| prau cemeret e| da dra+
ygeuen. ac atep o·honaỽ er nep a|y dam+
degho a byt arnau er haul. Os ef a| deweit
y den a benfygyỽs y da urth e nep benfygy+
ỽit idau. Dyoer ep ef ne guadaf| y re| uen+
figyaỽ hun yty a ỽot en ỽen y ac eyssoes
ar e kyfreith e| dodaf| y deleỽ o|m benfyc dyuot at+
af| y ep haul ep arhaul arnau ỽal y·d|aeth
y genyf| y hỽn ep haul ep arhaul arnau.
ac od| amheỽy dy henne y mae ymy digaun
a|y gỽyr. Ac ar e kyfreith e| dodaf| y na| deleaf| y ce+
mrut ỽe meỽ e| genyty eny guareduty er
| « p 67r | p 68r » |