NLW MS. Peniarth 38 – page 9v
Llyfr Blegywryd
9v
dyỽeit nat oed vorỽyn. tystolyaeth y
vorỽyn e|hunan a|gredir yn|y erbyn
am y morỽyndaỽt. ỽythuet yỽ bu ̷+
geil trefgord am y llỽdyn a lado y tre+
fgord yn|y ỽyd ac yn|y gadỽ. Naỽuet
yỽ lleidyr ỽrth y groc pan vo diheu ~
gantaỽ y grogi. credadỽy vyd heb gre+
ir ar y gyt·leidyr. ac am y da a duc le+
drat y kytleidyr hagen ny byd croga+
dỽy yr geir y llall. namyn lleidyr gỽ+
erth. lleidyr am ledrat kyssỽyn o|r pa*
y reith idaỽ. dirỽyus vyd. Credadỽy
vyd amotỽr rỽg deu dyn a|e hadefho.
ac velly rodaỽdyr da am yr hyn a|rodo.
ac ỽrth hynny y dyỽedir. nyt oes rod
onyt o vod. a rodaỽdyr gỽreic a tygho
yn|y mod y rodher y ỽreic. ~ ~ ~ ~ ~ ~ ~ ~ ~ ~
T alaỽdyr ar ny|thalho cỽbyl o|e
dylyet; ef a dyly y talu. o|r byd
| « p 9r | p 10r » |