NLW MS. Peniarth 45 – page 134
Brut y Brenhinoedd
134
wanegei hengist y lu trỽy tỽyll a brat gane+
dic gantaỽ. Ac gỽedy adnabot hynny o|r bryt+
tanneit. Daly ouyn a|wnaethant. Ac erchi yr
brenin. eu gyrru o teyrnas. ynys. prydein. Cany wedei
y cristonogyon ymgedymdeithocau a pha+
ganyeit Canys dedyf cristonogaeth a|e
gwahardei. Ac y gyt a hynny kymeint oed
eu niuer ac na ỽydit pỽy uei cristaỽn pỽy
uei pagan. A seint Garmon a orchymynas+
sei udunt dehol y paganneit saesson ymdeith
oc eu plith. Ac eissoes o caryat y wreic ar
saesson yscaelussaỽ a wnaeth Gortheyrn y bryt+
tanneit. Sef a wnaethant wynteu yna yma+
daỽ a Gortheyn a dyrchauel Gwertheuyr uen+
digeit y uab ynteu yn urenhin arnadunt. Ac
ymlad ar saesson. A gỽneuthur aeruaeu ma+
ỽr creulaỽn onadunt megys yd oed da gan
duỽ y wneuthur onadunt. A phedeir brỽydyr a
uu rỽng gwerthuyr ar saesson. Ac ym pob
un y goruu gwertheuyr trỽy nerth duỽ.
yr ymlad kyntaf a|uu idaỽ ac wynt a|uu ar
auon derwennyd. Ar eil a|uu ar ryt y piff+
ort. Ac yna y kyuaruu kyndeyrn uab gorth+
eyrn a hors braỽt hengist ac y lladaỽd pob y
gilyd o·nadunt. y trydyd ymlad a uu rydunt
ar glan y mor. Ac yna y ffoes y saesson yỽ llong+
| « p 133 | p 135 » |