NLW MS. Peniarth 46 – page 236
Brut y Brenhinoedd
236
draỽ pob lle y caffat yn euas ar lann
ffynnaỽn galabes. canys yno y gnotta+
ei cartreuu. a gỽedy menegi eu neges
idaỽ. ef a|doeth ygyt ac ỽynt at y
brenhin. a|e aruoll a|ỽnaethpỽyt idaỽ
yn anrydedus. ac erchi idaỽ dyỽedut
daroganheu a delhei rac llaỽ. canys
digrif oed gantaỽ ỽarandaỽ peth a del+
hei rac llaỽ. a uei anryued. ac yna y
dyỽat myrdin nat oed Jaỽn traethu o|r
ryỽ betheu hynny onyt pann y kym ̷+
hellei anghenreit. Canys pei ys|dyỽe+
dỽn yn ny amser ny pei reit ỽrthaỽ.
Teỽi a|ỽnaei yr yspryt yssyd y|m|dyscu.
a|fo a|ỽnai y|ỽrthyf pann uei reit ym
ỽrthaỽ. ac ỽrth hynny ny|s kymhellws
y|brenhin y|dyỽedut prophỽydolyaeth. a
gouyn a|ỽnaeth emreys idaỽ pa gyg ̷+
hor oed gantaỽ am|y gỽeith yd oed ef
yn mynnu y|ỽneuthur. ac yna y|dyỽat
Myrdin. argỽlyd hep ef o|r mynny ti
| « p 235 | p 237 » |