NLW MS. Peniarth 47 part i – page 24
Ystoria Dared
24
erchi a|oruc ef y|baỽp menegi y ewyllys
Palamides a|dangosses y ethrilith a e ewy+
llys. ac yna y|rodes y groegussyon ydaw
amherodraeth. ac ef a|e gỽassanaetha+
ỽd. ac a|e diolches y|r groegussyon
chel a anhoffes y|symut hỽnnu a r cyng+
reir a|daruu. Palamides a|gyỽeirawd
ac a|e dysgaỽd. ac a|e hanoges. Yn y er+
byn y|doeth deiphebus yn aruaỽc ac ym+
lad yn|ỽychyr a|oruc y|troyanussyon
Sarpedon o|licia a gyfarsagaỽd yna yn fa+
ỽr y|groegussyon. ac a|e lladaỽd Yn y er+
byn y kyuaruu thelepheleus o|rodia yn y
seuyll yn hir ac ymlad ac ef. ac yn vra+
thedic y|dygỽydaỽd yn varỽ. Yn|y|ol
ỽd ymlad perssis vap admesti. a|hir ym+
lad a|oruc ac ef. a sarpedon. ac yn|yr ym+
lad hỽnnỽ y|llas perssis. a|sarpedon a ymho+
elaỽd yn vrathedic o|r vrỽydyr a gwedy
hynny ymlad a|orucpỽyt talym o dydi+
eu. a|llaỽer o|tyỽyssogyon a|las. namyn
mỽy o|ỽyr troya noc o|r lleill. y troyanussyon
| « p 23 | p 25 » |