NLW MS. Peniarth 5 (The White Book of Rhydderch, part 1) – page 5r

aroglev val y| tebygynt yna eu bot yn y daear adaỽedic. A| phan y| tynnỽys moessen hỽynt

y| dyỽaut pan yỽ y trindaỽt a| arỽydocceint. A| llauen vu voessen o gaffel yr arogleu a| r ar+

ỽyd da hỽnnỽ. ac y cadỽ yn anrydedus a| ỽnaeth. a gỽisc yn eu kylch yn greireu annỽyl.

A| deugein mlyned y buant yn| y diffeith. ac o| darffei kyuaruot a| neb o| r llu ae heint

a| e dolur. a| e brath pryf gỽenỽynic neu gynnurch arall. y| rodei y| prophỽyt y| gỽyal yn|

y enev. a| r aỽr honno y| bydynt iach. Ac yna y damỽeinaud erchi o| r bobyl y| voessen

dỽfyr o| r garec. a goganu voessen am dỽfyr. Ryued yd erchỽch heb·y| moessen. a| allaf|i

bobyl atkas agkredadun dỽyn dỽfyr ychỽi o| r garec honn. A| tharav dev dyrnaỽt a| e

ỽialen ar| y| garrec yny rodet dỽyfyr yn ehalaeth ohonei val y gallei o| dynyon

ac anyueileit caffel digaun ohonei. Ac yna yn| diannot yd| ymdangosses yr arglỽ+

yd y voessen. ac ymdidan ac ef val hynn. Kannyt ymdiredeist|i y| m henw. i. heb ef.

rac bron pobyl yr israel. nyt arỽedy titheu vynteu yr daear adaỽedic. Pwy arg+

lỽyd heb·y| moessen a| e duc wyntev. Byw wyf|i heb y duỽ od| a neb onadunt yno.

eithyr caleph a iosue. yna y dyallỽys moessen bot y dyd ef yn dyuot. ac yna yd| aeth

y| r| penn issaf y| lyn thabor. ac yno y| plannaỽyd ef y| gỽyal yn| y daear. a cheryllaỽ

idaỽ yntev. Ac odyna mynet yn| y bed a| ỽnaeth a diffodi. Ac yno y| bu y| gỽyal hynny

vil o| vlỽynnyded hyt ar amsser dauid vrenin iudea. Ac ym| penn mil o vlỽynnyded

gỽedy moessen broffỽyt. y| dysgỽyt dauid trỽy yr| ysbryt glan y| vynet ohonnaỽ y

vynyd thabor. y| gyrchu y gỽielin a| blanassoed voessen yno. A dauid a| aeth yno. ac

a| duc y| gỽielin hyt yg| kaerussalem. canys duỽ a racwelei bot iechyt pobyl dynaỽl

onadunt. trỽy rinỽed y| groc. Ac yna y| kerdaỽd dauuid hyt yn arabya. ac ym| pen

y| naỽuettyd y| doeth y| vynyd tabor. Ac yno y| kauas dauid y gỽyal a| vanagassei yr

agel idaỽ. a| phan| y tynnaỽd wynt o| r daear. arogleu maurỽerthauc a| gauas dauid

a| e holl gynulleitua o| r gỽyeil mal y tebygyn ac y credyn oll y bot ym| peth nefaỽl.

Ac val yd| oed dauid yn ymchỽelut y kyfaruu ac ef o lauuryaỽ llaỽer o bobyl ac arnunt heinny+

av amryỽ. a| phaỽb onadunt a| gauas iechyt. o| nerth y groc. Ac wynteu o| llef prophỽ+

ydolyaeth yn lleuein. ac yn dyỽedut hediỽ y| mae duỽ yn rodi iechyt y| r byt trỽy

nerth y| lan groc. a thrỽy yr| ysbryt glan. A| chan lyỽenyd maur yr aeth paỽb ona+

dunt parth| ac adref yn iach. Ac ym| pen y naw| nieu dauid dracheuen y|gaer+

ussalem. a| medylyaỽ a| ỽnaeth pa le y planney y gỽial hynny yn anrydedus. A| r nos

honno y| dodes wynt y|mewn gogof o garrec a| oed ger llaỽ dỽyfyr val y| gallei tra+

noeth ar ehag ev planu. yno y| nos honno y| geteỽis geitỽeit. a goleuat argaregl y+

gyt ac wynt. ac yd| aeth yntev y| orffỽys. Ac eissoes o| nerth dỽyuaỽl yr honn ys+

syd raclonder yn wastat. yr honn ny thỽyll ac ny| thỽyllir. y| dyrchauaỽd y| gỽyal

yn eu seuyll. ac eu gỽreideu yn| y garrec. a| chymyscu y| teir gỽialen yn vn. A| phan

ỽelas y| brenhin yr anryuedaỽt hỽnnỽ. y| dyỽat. Bit ofyn duỽ ar holl genedloed

y| daear. kanys maurydic. a molyannus yỽ yn| y weithredoed. Ny symudỽys y bren+

hin ỽynt. o| r lle hỽnnỽ. canys daroed y| duỽ y| gossot yn ryuedaỽt. A| dauid a| ỽnaeth

mur yg| kylch y| prenn yn tec. wedy planu ohonaỽ ỽynt. hyt ym| pen y| dec mlyn+

ed ar hugeint. Ac ar dỽf pob blỽydyn. y| peris y brenhin pob blỽydyn dodi kyl+

ch o| aryant. val y| gỽypei beth vei dỽf y| prenn kyssegredic pob blỽydyn. Ac

y| meint ag| a| dyfuaỽd arnaỽ y vlỽydyn gyntaf a dyfuaỽd arnaỽ pob blỽydyn.

wedy hynny. Sef oed hynny cvfyt bop blỽydyn. Ac ym| pen y| dec mlyned ar hu+

geint gỽedy gỽneuthur diruaỽr bechaỽt o dauid. a heed barn duỽ y| doeth

dauid dan y| prenn kyssegredic y ỽylaỽ o| ediuarỽch am y| bechaỽt. ac y dyỽ+

edut yr arglỽyd y miserere. A gỽedy gorffen y| salym y dech+