Breudwd Welsh Prose 1300-1425
Cymraeg

Shrewsbury MS. 11 – page 141

Breuddwyd Pawl

141

daỽ ran ohonẏnt pỽẏ|bynnac ac a|an+
uoner dẏdbraỽt ẏ|r pẏdeỽ hỽnnỽ ẏ en+
eit a|e gorf ẏ anuonir ẏ·gẏt A gouẏn
a oruc Pawl pỽẏ oed ẏ rei hẏnnẏ A* attep
a oruc yr aghel kenedloed nẏ buont
vedẏdetigẏon ac nẏ chredassant dy+
uot ẏr arglỽẏd ẏg|knaỽt ac nẏ chẏm+
erẏssant corf ẏr arglỽẏd ẏ rei hẏnnẏ
a grogir hep orfen A|r pechadurẏeit a
lefassant o vn llef ac a|dẏwedassant
trugarha ti wrthẏm ni vihaghel a|thith+
eu Pawl. erchỽch drossom ni trugared yr ar+
glỽẏd ỽẏlỽch chỽi gẏt a ni ag egẏlẏon
ẏr arglỽẏd a phaỽl uẏg|karedic i hẏt
pan uo ẏ trugaroc arglỽẏd a ro gor+
ffyỽys ẏ chwi ac aỽch llefein a llefein
a orugant hỽẏ a dẏwetut trugarha
di vab duỽ ỽrthẏm ni achaỽs Mihaghel
ac achaỽs vẏg|keredic paỽl Mi a|rod+
af ẏ chỽi orffywẏs duỽ Sul ẏ rei ẏsẏd