Breudwd Welsh Prose 1300-1425
Cymraeg

Shrewsbury MS. 11 – page 87

Ystoria Adda

87

a wely ar y ford ar|ỻỽybyr tec oleu dy vam a|th
dat yn grin llosgedic yr pan doetham ni o par+
adỽys a chan trymet yỽ yn pechodeu ni ac na
thyfaỽd ettwa yno vn blewyn ar yn ol ni Yna
y kerdỽys seth y ford y menegis y dat idaỽ
ac ual y doeth yn agos y paradỽys ef a wel+
ei ual tan yn|y ogylchynu o oleuat paradỽ+
ys a|e tat a|e rybudyassei rac y damwein hỽnn+
ỽ ac ynteu a ymgroysses ac y dodes arỽyd
y teir ban arnaỽ A dyuot racdaỽ hyt ym
paradỽys a phan welas yr agel ef y gouy+
nnỽys idaỽ beth a uynnassei yno vyn|tat h+
eb ynteu yssyd hen a daruodedic a digaỽn
y mae yn uyỽ ac am hynny y|m anuones
attat ti y|th wediaỽ am peri idaỽ oleỽ y truga+
red A edewis duỽ idaỽ Ac anuon gennyf|i hys+
bysrỽyd am hynny Dot ti heb yr agel dy benn
ym porth y wicket y myỽn ac edrych beth a w+
elych yno Ef a dodes penn y myỽn ac ef a
welei yno kyfryỽ tegỽch ac na allei tauaỽt