NLW MS. 24029 (Boston 5) – page 122
Llyfr Blegywryd
122
Os gwadu a|vẏn ẏ gỽr. Ac os kadarn+
hau a vẏn ẏ wreic ẏnn|ẏ erbẏn. kẏme+
ret hi ẏ gala ef ẏnn|ẏ llaỽ awsseu hi.
A|thẏget hi ẏr dỽẏn ohonnaỽ ef arn+
ei treis. Ac vellẏ nẏ|chẏll dim o|e|hiaỽn.
Y neb a|watto treissaỽ gỽreic; rodet
lỽ degwẏr a deugeint. neu dirỽẏ tre+
is. Nẏt oes ẏg|kẏureith hẏwel da; ẏs+
badu gỽr am treissaỽ gỽreic. O tri
achaỽs nẏ|chẏll gỽreic ẏ|hegỽedi.
kẏt adaỽho ẏ|gỽr. O glauri. Ac o eisseu
kẏt. Ac o|drẏc·anadẏl. Teir gỽeith
ẏ keiff gwreic ẏ|hwẏnebỽerth. kẏn+
taf ẏ keiff. Wheugeint. Ẏr eil weith;
punt. Ẏ trẏded weith ẏ|dichaỽn adaỽ
ẏ|gỽr a|mẏnet a|e holl dẏlẏet genti.
Ac os diodef hi dros ẏ|trẏded weith;
nẏ cheiff hi wẏnebỽerth. Onẏ wna
morỽẏn a|vẏnho o|e chowẏll kẏnn|ẏ
chẏuot ẏ|bore o|e gỽely ẏ wrth ẏ gỽr;
ygkẏt ẏ|byd ẏrẏdunt o|hẏnny all+
an. O|R rodir morwẏn aeduet ẏ|wr.
Ac dẏweit ẏnteu nat oed vorwẏn
hi; tẏget ẏ vorỽẏn ar|ẏ|phẏmet o|r dẏ+
nẏon nessaf idi. nẏt amgen. Hi a|e
that
| « p 121 | p 123 » |