NLW MS. 24029 (Boston 5) – page 54
Llyfr Blegywryd
54
uẏlỽrẏaeth mach ẏssẏd; a gỽadu ẏ|vech+
ni ac ef ẏn vach. ac adef ẏ|vechni. ac n |allo
ẏ|chẏmell. A|diebrẏt mach gỽedẏ rother.
MAch a|dẏlẏ dỽẏn gauael gẏt a|r dẏl+
ẏaỽdỽr hẏt ẏn|diogel. neu talet e|hun.
Na|chẏmerer gauael ẏ|talaỽdẏr; onnẏt
ẏ mach a|e dẏrẏ. KẎt el ẏ|mach dros talu;
na|thalet hẏnnẏ ballo ẏ|talaỽdẏr. Ny|bẏd
palledic ẏ|talaỽdẏr tra safo ỽrth gẏfre+
ith. Kẏnnẏ bo idaỽ namẏn tri thudedẏn;
ef a|dẏlẏ talu ẏ|deu. a|chẏnnal ẏ trẏdyt
pob amsser ẏmdanaỽ. MAch a|watto ẏ ve+
chni; guadet ar|ẏ seithuet o|r dẏnẏon ne+
saf ẏ|werth. Ac os bri·duỽ a|watta; e|hun
a|e tỽg ar seith arllaỽr* gẏssegredic. neu
seith·weith ar vn allawr. OS ẏ|talaỽdẏr
a|dẏiwat ẏ|mach; gỽadet ar|ẏ seithuet
o|r dẏnẏon nessaf ẏ|werth. OS mach a
watta rann o|e vechni. Ac adef rann arall;
ef e|hun vn·weith a|e tỽg. Pỽẏ|bẏnnac
a|brẏnho da ẏ|gan arall. ac a|uo mach e|h+
un dros ẏ|werth. a|e|varw kẏnn talu. ac
adaỽ ẏ|da gan getẏmeithon. ẏ|dẏlẏaỽdẏr a
dẏlẏ|tal o|r da hỽnnỽ. Kannẏts ẏ|marỽ a
vu vach kẏnnogẏn idaỽ. bioed ẏ|da. Ef a
| « p 53 | p 55 » |