NLW MS. 24029 (Boston 5) – page 6
Llyfr Blegywryd
6
hines dros ẏ sarhaet. heb eur a|heb arẏ+
ant. BRenhin a|dẏlẏ vn gỽr ar|bẏmthec
ar|hugeint o|wẏr ar|veirch ẏnn|ẏ getẏ+
meithas. nẏt amgen. ẏ|petwar sỽẏdo+
gẏon ar|hugeint. a|deu·dec guestei. A|e
teulu. A|e uchelwyr. a|e vaccỽẏeit. a|e g+
erdorẏon. a|e redusson. Gỽrthtrẏchẏat
nẏt amgen. ẏr etlig ẏr hỽnn a|dẏlẏho
gỽledẏchu guedẏ ef. a|dẏlẏir ẏ enrẏde+
du ẏmlaen paỽb ẏnn|ẏ llẏs eithẏr ẏ|bre+
nhin a|r|vrenhines. A hỽnnỽ a|uẏd mab
neu vraỽt ẏ|r brenhin. Ẏ|le a|vẏd ẏnn|ẏ
neuad am ẏ|tan a|r brenhin. ac ẏn nessaf
i·daỽ ẏ braỽdỽr ẏrẏdaỽ a|r golofẏn. Ac
ẏn eil nessaf idaỽ ẏr offeirat teulu. Ac
o|r parth arall ẏr etlig. penkerd ẏ wlat.
Gỽedẏ hỽnnỽ lle dẏlẏedus nẏt oes ẏ
neb o|r parth hỽnnỽ. Gỽerth ẏr etlig;
ẏỽ kẏffelẏb ẏ|werth ẏ|brenhin eithẏr
ẏ|treyded rann ẏn eisseu. Gỽerth pob vn
o|r etiuedẏon ereill a|berthẏnont ỽrth
ẏ|teẏrnnas; ẏỽ traẏan gỽerth ẏ|brenhyn
Ac vellẏ guerth sarhaet pob vn ona+
| « p 5 | p 7 » |