BL Cotton Cleopatra MS. A XIV – page 69v
Llyfr Cyfnerth
69v
seith mlyned kyn no hynny ae da a geiff.
Parchell yn| y growyn keinhaỽc kyfre ̷+
ith a| tal. Or pan el allan hyt pan at ̷+
to dynu dỽy geinhaỽc kyfreith a| tal. Or
pan atto dynu hyt ỽyl ieuan y moch pe ̷+
deir kein·haỽc kyfreith a| tal. Odyna hyt
galan ionaỽr dec ceinhaỽc kyfreith a| tal.
Odyna hyt ỽyl ieuan y moch elchỽyl ỽyth
geinhaỽc gyfreith a| tal. eithyr y tri llyd ̷+
yn arbenhic. ny dyrcheif ac ny ostỽg
vyth. Arbenhic y moch. A baed kenuein.
A hỽch yg|kyueir yr arglỽyd. Ac yna deu+
parthaỽc uyd yr eneit ar y kic hyt ỽyl ie ̷+
uan y moch. O ỽyl ieuan y moch hyt ga ̷+
lan ionaỽr dec ar| hugeint a| tal. Ac yna
deu·parthaỽc uyd y kic ar yr eneit. Nyt
oes werth kyfreith ar gnyỽ hỽch. hyt
ym pen y ulỽydyn. yn| y ulỽyd kyfreith
hỽch maỽr a gymer. Y neb a| wertho moch
bit dan y tri heint. Y uynyglaỽc. tri dieu Ar hu ̷+
alaỽc. tri mis ac nat yssont eu perchyll. Ac ot
| « p 69r | p 70r » |