BL Cotton Titus MS. D IX – page 4r
Llyfr Blegywryd
4r
y werth y|brenhin eithyr y|tryded rann
ynn eisseu. Gỽerth pob vn o|r etiuedyonn
ereill a|berthynnont vrth y|teyrnnas; yỽ
trayan guerth y brenhin. ac velly guer+
th sarhaet pob vn ohonunt heb eur a h+
eb aryant. Y|brenhin bieu rodi y|r etlig
y|holl treul. a|e holl gyureideu yn anryde+
dus. Llety yr etlig yỽ neuad y|brenhin.
a chyt ac ef y|bydant y|maccueyt*. a|r ky+
nnvdỽr a|dyly kynnev tan idaỽ a|chayv
y|drysseu guedy yd|el yr etlig y|gyscu yn
diogel. ancỽynn a|geiff yn diuessur can+
ys digaun a|dyly. TRi ryỽ dyn yssyd;
brenhin. a|breyr. a|bilan. ac eu haelodeu.
aelodeu brenhin ynt. y|rei a|berthynont
vrth vreinhinyaul vreint kynnys pieiff+
ont. ac ohonunt oll brenhinolaf yỽ yr
etlig. canys ef a|leheir yn|y lle y|gỽrth+
trychir teyrnnas ohonnaỽ vrth gyfuei+
stydyaỽ llys. Eissoes o|r pan gymeront
tir. eu breint a|vyd vrth vreint y|tir
O R pann eistedo [ a|gynnhalyỽnt
brenhin yn|y eistedua yn|y|teir gỽ+
| « p 3v | p 4v » |