BL Cotton Titus MS. D IX – page 60r
Llyfr Blegywryd
60r
llippyer gynntaf. llỽ seith wraged a|dyry. ar
yr eil enllipp; llỽ pedeir gỽraged ar|dec. ar|y
trydyd enllipp; llỽ degỽraged a|deugeint.
o|r byd neb ryỽ hysbysrỽyd ar|yr enllipp.
O |R byd rodyeit ar|wreic y|ỽr; bit
y|gỽr dan|y gỽadaỽl hyt ym|penn
y|seith mlyned. ac o|r keiff hi teir
nos o|r seithuet vlỽydyn. hanner
y holl da a geiff y|wreic pan ysgaronnt. Val
hynn y|rennir y da. Y|moch a|geiff y|gỽr. a|r
wreic y|deueit. Odyna y wreic a|rann. a|r
gỽr a|deỽis. eithyr y|dotrefyn a|rennir mal
hynn. Y llaethlestri oll y|r wreic onnyt vn
paeol. a|r dysgleu eithyr vn dysgyl. a|r|vn
paeol. a|r dysgyl a|geiff y|gỽr. Y gỽr a|geiff
y carr. ac vn o|r gỽedeu. a|r holl lestri llynn.
a|r kerỽynneu oll. ac a|uo danunt o|r dill+
at gỽely. a|r wreic bieu a|uo arnunt o|r|di+
llat gỽely. Os y|gỽr ar|hynt yna a|gymer
gỽreic arall. ef a|dyly anvon dillat y|gỽe+
ly kynntaf y|r wreic a|ỽrthodet. Y gỽr a
geiff y|gallaỽr. a|r tappin. neu y breccan.
a|r gobennyd. a|r cỽlltỽr. a|r vỽyell gynn+
ut. a|r|taradyr. a|r|penntan hayarnn. a|r
crymaneu oll onnyt vn. a|r gradell. Y wr+
eic bieu y|trybed. a|r badell. a|r vỽyell lyd+
[ an.
| « p 59v | p 60v » |