Cardiff MS. 1.362 (Hafod 1) – page 54v
Brut y Brenhinoedd
54v
ar vynyd yr auia. gỽyned a gocha o|e mamaỽl waet.
A thy cornyus a lad y whe broder. o nossolyon dragre*+
u y gỽylycha yr ynys. yna y gelwir paỽb ar pop
peth. y plant a|lauuryant ehedec ar oruchelder. can+
maỽl petheu newyd hagen a dyrcheuir. yr a uo gỽ+
ar yd argỽedir o enwired hyny wisco ef y tat. ỽrth
hynny yd escyn y mynyded y rỽymedic o danhed ba+
ed coet a gỽascaỽt y penfestinyaỽc. llidyaỽ a ỽna yr
alban. Ac yny bo kyt alwedic y ystlysseu. y llauury+
a y dineu gỽaet. y genoed hỽnnỽ y rodir frỽyn yr
hỽn a|wneir yn arfet llydaỽ. Eryr torr y gygreir
a eurha hỽnnỽ. Ac yn|y trydyd nyth y llawenhai.
yna y deffry y kanaỽon a aruthrant. Ac yny bỽynt a+
daỽedigyon y llỽyneu o vyỽn muroed y kerbyt yd he+
lijr. Aerua nyt bychan a wnant o|r a|e gỽrthỽynepo. A
thaỽt* y teirỽ a trechant. Mynygleu y rei vrefont a
ỽrthtrymant o gadỽyneu. A henyon amseroed a atne+
wydant. Odyna o|r kyntaf yr pedwyryd. O|r pedweryd
yr trydyd. o|r trydyd yr eil y troir y vaỽt yn yr oleỽ. y
chwechet a diwreida muroed iwerdon. A llỽyneu a sumyt
yn wastatrwyd. amryual yno ranneu a dỽc yn vn.
Ac ym pen y lleỽ y coronheir. y dechreu a darestỽg y
whibiander. diheuhyt y diwed hagen a eheta ar|oru+
chelyon. kans atnewydaha eisteduaeu y gỽynuedidi+
gyon trỽy y gỽladoed. Ac a|leha bugelyd yn|y lleoed gỽe+
dus. Dỽy kaer a wisc o dỽy|uantell. a gỽerynolyon ro+
dyon a ryd y werydon. Odyna y gobryn canmaỽl yr holl
gyuoethaỽc. Ac y·rỽg y rei gỽynuededigyon a kyfle+
heir. O hỽnnỽ y kertha y linx a erchyruynha pop peth.
| « p 54r | p 55r » |