Cardiff MS. 1.363 (Hafod 2) – page 104r
Brut y Brenhinoedd
104r
wder vdvnt erchy a orỽc vdvnt gwnevthỽr delw awy+
raỽl ydav a llehaỽ honno en e porthva e gnotteynt e
saysson dyỽot yr tyr ydy; ac gwedy bey varỽ entev g+
ossot y corff enteỽ ar warthaf y delw honno megys e
gwelynt er angkyfyeyth kenedyl e delw honno ed
ymchwelynt wyntev ev hwylyev trachevyn hyt en
Germany. kanys Gwertheỽyr vendygeyt a dywe+
dey na laỽassey vn o|r saysson byth dyvot e tyr enys
prydeyn hyt tra welynt y vod ef en e porthva ho+
nno. O wy a dyw mavr a peth oed glewder e gwr
a tebygey bot y ofyn ar y elynyon en varv megys
e bvassey pen vyw. Ac eyssyoes amgen e gwnaeth+
ant e brytanyeyt. kanys eng kaer lvndeyn e clad+
AC gwedy marỽ Gwerthe +[ assant y corff.
vyr vendygeyt eylcwyl e gossodet Gorthey+
rn en vrenyn en|y le. ac odyna trwy annoc y wre+
yc kennadeỽ a envynỽs ef en ol heyngyst hyt en
Germany. ac erchy ydav dyvot tray kevyn y enys
prydeyn a henny hagen en yskyvalaf amser by+
chan ganthaỽ rac ofyn e brytanyeyt. Ac gwedy
klybot o heyngyst ry varỽ Gwertheỽyr ỽendyg+
eyt ef a kynnvllỽs try chant myl o wyr arvavc y
gyt ac ef. ac gwedy bot en paravt y longhev ef a
| « p 103v | p 104v » |