Cardiff MS. 1.363 (Hafod 2) – page 192r
Brut y Brenhinoedd
192r
vlaỽn ed oedynt darestynghedyc. ac en
vynych kyỽdaỽdaỽl ryỽel er·ryngth+
ỽnt. Ac yr henny eyssyoes ny chawssey e
saysson ettwa coron e teyrnas kanys try
brenyn ed oedynt wynteỽ gweythyeỽ er
ryỽelynt er·ryngthỽnt e|hvneyn a gwe+
ythyeỽ ereyll e ryvelynt ar brytanyeyt.
ac evelly ny chaỽssey nep onadỽnt coron
e teyrnas. Gweyth bangor vaur.
AC en er amser hvnnỽ ed envynaỽd Gyry+
oel pap avstyn y enys prydeyn y pre+
gethỽ yr saysson. er rey a oedynt dall o pa+
ganavl arver. en er rann ed oedynt wy en|y
medỽ o|r enys. neỽ ry daroed ỽdvnt dyleỽ
holl cret a chrystonogaeth a ffyd katholyc
en llwyr. Ac em parth e brytanyeyt ed oed+
ynt ffyd katholyc a chrystonogaeth en grym+
haỽ yr en oes eleỽther pap e gwr a|e henỽ+
ynaỽd en kyntaf y enys prydeyn hep y dyffo+
dy ỽn amser er·ryngthỽnt. Ac gwedy dy+
vot avstyn megys e dywetpwyt wuchot
ef a kaỽas en rann e brytanyeyt archescobavt
| « p 191v | p 192v » |