Cardiff MS. 1.363 (Hafod 2) – page 24r
Brut y Brenhinoedd
24r
a goỽyn ydy hytheỽ pa ỽeynt y karey hy ef. Ac
yna atnabot a wnaeth Gordeylla ry credỽ o|y t+
at y yr amadrodyon anhyedỽs twyllodrws ry
dywedessyat y chwyoryd ỽrthaỽ. a phrofy
y that a orỽc. a gvrthep ydaỽ yn amgen noc
y gwrthess* velly a|twy ydaỽ ef. Ac ar e wed ho+
nn e rodes hytheỽ atteb ydaỽ. Ny chredaf y bot
merch a allo karỽ y that yn wuy noc y delyhy
y carỽ. nac a|e dywetto o·nyt trwy gellweyr
kan gelv gwyryoned. Ac wrth hynny myfy a|th
kereys ty eyryoet megys tat ac etwa hep pey+
dyav o|r arvaeth hỽnnv. Ac o cheyssy mwy no
hynny gwarandaỽ ty dyheỽrwyd meynt de
karyat ty genhyf y a gossot tervyn y|th orch+
eston. Ac esef yw henny en y ỽeynt y bo de kyỽo+
eth a|th yechyt. at* dewred. yn|y ỽeynt honno y
karaf ynheỽ ty. Ac|ena kyffroi a llyidav* a orỽc
y that wrthy a thebygv y mae o dyhewyt i. ch+
allon y dywedassey hy yr ymadrodyon hynny a
hep annot dywedwyt wrthy ỽal|hyn. kanys yn
ỽeynt honno yd ebryỽygeyst ty heneynt dy|tat ty
hyt na charvt ty ef megys de chwyoryd ty. my+
| « p 23v | p 24v » |