BL Harley MS. 4353 – page 32v
Llyfr Cyfnerth
32v
Ac ewic a buch. A iỽrch a gafyr. A chaeriỽrch
a bỽch. A gỽythỽch a| hỽch tref. Broch ny
allỽys ygneit hywel da dodi gỽerth kyf ̷+
reith arnaỽ. kanys y ulỽydyn y bei y vyny ̷+
glaỽc ar y moch. breint ki a| gymerei ynteu
yna arnaỽ. A|r ulỽydyn y bei y gyndared
ar y kỽn. breint hỽch a gymerei ynteu
yna arnaỽ. Yscyfarnaỽc ny wnaethpỽyt
heuyt werth kyfreith arnei. kanys y ne ̷+
ill mis y bydei ỽryỽ ar llall y bydei venyỽ.
Gỽerth ystalỽyn; march a allo toi a| chassec
o|e ulaen ac arall yn| y ol. Gỽerth baed ken ̷+
uein; baed arall a allo cleinaỽ. A hỽch o|e vla ̷+
en ac arall ac* arall* yn| y ol. Gỽerth tarỽ tref ̷+
gord; tarỽ arall a allo llamu. A buch o|e vla ̷+
en ac arall yn| y ol. Bleid a chadno ac amry ̷+
falyon ereill ny wnelhont namyn drỽc. ny
wnaethpỽyt gỽerth kyfreith arnunt. ryd
yỽ y paỽb eu llad. Gỽerth pop anefeil o|r a ys ̷+
ser y gic eithyr y moch; deuparth y gỽerth a
uyd ar yr eneit. a|r trayan ar y korff. Teithi
gỽr yỽ gallu kyt a gỽreic a bot yn gyfan y| ae ̷+
lodeu oll. Teithi gỽreic yỽ. dyuot arỽyd eti ̷+
uedu idi. A bot yn gyfan y holl aelodeu.
Teithi treis yỽ; llef a chorn a chỽyn.
| « p 32r | p 33r » |