BL Harley MS. 4353 – page 7r
Llyfr Cyfnerth
7r
1
pan enillo kadeir y keiff yr ygnat llys corn
2
bual a| modrỽy eur. A|r gobennyd a dotter y
3
danaỽ yn| y gadeir. Pedeir ar hugeint a geiff
4
yr ygnat llys o pop dadyl sarhaet a lledrat
5
y| gan y neb a diagho o|r holyon hynny. Ef a
6
geiff tauaỽt y tauaỽt a del y pen yn anrec
7
y|r brenhin. A|r tauodeu oll o|r llys. kanys yn ̷+
8
teu a uarn ar y tauodeu oll. A|r brenhin a dy ̷+
9
ly llanỽ lle y tauaỽt o gehyr mordỽyt y llỽd ̷+
10
yn bieiffo y|r gof llys. Ygnat llys yỽ y trydy ̷+
11
dyn a gynheil breint llys yn aỽssen y bren ̷+
12
hin. Ryd uyd o ebediỽ. kanys gỽell yỽ ygne ̷+
13
itaeth no dim pressenhaỽl.
14
By dyd bynhac y llatho yr hebogyd crych ̷+
15
yd neu bỽn. neu whibonogyl vynyd
16
o rym y hebogeu. tri gỽassanaeth a wna y
17
brenhin idaỽ. dala y varch tra achuppo yr adar.
18
A dala y warthafyl tra discynho. A|e dala tra
19
eskynno. Teir gỽeith yd anrecca y brenhin
20
ef y nos honno o|e laỽ e| hunan ar uỽyt. ka ̷+
21
nys yn llaỽ y| gennat yd anrecca beunyd
22
ef eithyr yn| y teir gỽyl arbenhic. A|r dyd
23
y llatho ederyn en·waỽc. Ar gled y kyghell ̷+
24
aỽr yd eisted y|ghyfedỽch. Croen hyd a geiff
25
yn hydref y| gan y penkynyd y wneuthur menyc
| « p 6v | p 7v » |