BL Harley MS. 958 – page 29v
Llyfr Blegywryd
29v
1
e|hun a|thros ẏ da kẏnhennus. A|thros ẏr
2
amdiffẏnỽr. ae nẏ|s mẏnho. Ac nẏ wẏs he+
3
uẏt ae gaỻo ae nẏ|s gaỻo. Tri pheth a dẏ+
4
lẏ gwarant di·baỻ eu gỽneuthur. vn ẏỽ gỽr+
5
theb ẏn diohir drostaỽ e|hỽn a|thros ẏ da
6
kẏnhennus a|thros amdiffẏnỽr ẏ da. Eil
7
ẏỽ seuẏỻ ỽrth gẏffreith a barn tros ẏ hoỻ
8
dadẏl trỽẏ deturẏt gỽlat. Trẏdẏd ẏỽ gỽ+
9
neuthur cỽbẏl dros ẏr hoỻ dadẏl val ẏ barn+
10
her idaỽ. Nẏ eỻir gwarantu vn da kẏffro
11
neu digẏffro a dẏker ẏn erbẏn. kẏfreith.
12
nac vn gweithret a wneler ẏn erbẏn kẏf+
13
reith os deturẏt gỽlat a|e hamlẏcca. Braỽ+
14
dỽr hagen a dẏlẏ gỽẏbot a deaỻ trỽẏ det+
15
urẏt gỽlat ae trỽẏ gẏfreith ae ẏn erbẏn
16
kẏfreith ẏ ducpỽẏt ẏ da. neu ẏ gỽnaethpỽ+
17
ẏt ẏ gỽeithret. kẏn rodo barn teruenedic
18
rỽg ẏr haỽlỽr a|r gwarant a hẏnnẏ gwe+
19
dẏ gỽrthep ẏr amdiffinỽr. Y neb a gaffo
20
gwarant ẏ mẏỽn dadẏl. nẏ cheiff tauodẏ+
21
aỽc amgen no|e warant ẏn|ẏ dadẏl honno
22
kanẏs ẏ gwarant a dẏlẏ gỽrtheb drostunt
23
eỻ deu. A chanẏt oes dym o waranrỽẏd
24
amgen noc amdiffẏn a rẏdhau. Pỽẏ
25
bẏnhac a vo gweỻ gantaỽ araỻ ẏ dad+
26
leu drostaỽ ẏn ỻẏs noc ef e|hunan. kan+
| « p 29r | p 30r » |