Oxford Jesus College MS. 119 (The Book of the Anchorite of Llanddewi Brefi) – page 23r
Ystoria Lucidar
23r
A vydei voe gleindit yr nep a|gymero vwyhaf
ohonaỽ. megys y|dywedir am|y manna. na by+
dei lei yr nep a|gynnullei ychydic ohonnaỽ
no llaỽer. Velly y|mae paỽb yn kymryt kyme+
int a|e gilyd ohonaỽ yntev. kannys paỽb a|vv+
ytta oen duỽ yn gỽbyl. Ac yntev val kynt yn
gyfan yn|y nef. Pa dal a geiff y|nep a|e|traetho
ef ynn teilỽg. Dỽy goron a|geiff vn am|y an+
rydedu. Ac arall am vot deuodev teilỽng gan+
taỽ yn|y gymryt. Am|yr offeireit. Beth a|ssyn+
nydi am|y nep a|wnel hynny yn anheilỽng.
Y|rei a|dycko y buched ynn erbyn kyureith. A|chy+
uyaỽnnder. A godineb. A|phuteinrỽyd. A|gỽydy+
eu ereill. neu a|werthont. nev a|brynnont e+
glỽysseu. nev anryded eglỽyssic. ac a|ladont ve+
lly pobyl duỽ o|dybryt angkreit. kynnhebic
ynt yr nep a|urattaaỽd nev a|e croges. Praỽ.
pony offeireit kann offerennev o achos duỽ e
hun. Ac yr iechyt vdunt ỽyntev ac yr holi eg+
lỽys. Wyntev hagen a|aberthassant yr ennill
vdunt. Ac yr y|annrydedv o dynyon. Ac o|e ky+
uoethogi o da amsseraỽl. A phỽy|bynnac a|wer+
tho rinỽed diodeifeint krist yr kanmaỽl dyny+
aỽl. Ac yr ennill amsseraỽl. beth amgen y|ma+
ent yn|y wneuthur yn waeth noc gỽerthu y
| « p 22v | p 23v » |