Oxford Jesus College MS. 119 (The Book of the Anchorite of Llanddewi Brefi) – page 29v
Ystoria Lucidar
29v
rỽyd rydit rac llaỽ. Odyna y|dyỽedir. gỽiri+
on a|uyd hep ouyn a hep dechryn arnnaỽ. a|mi
a|vynnaf dangos peth arall ytt. Ny damỽeina
dim o da y|rei drỽc. Ac ny daỽ dim o|r drỽc y|rei
da. Ynn enỽ duỽ manac ym yr hynn yd ỽyti
yn|y dyỽedut. Ponyt y|rei drỽc a gaffant y+
man drythyllỽch y gỽledeu. ac a|digrifueir o
edrych. ac o|ymgymyscu ar gỽraged tec. Ac a
valcheir o|r gỽiscoed maỽrweirthaỽc. ac a|ym+
drychafuant o|r golut. ac o|r adeiladeu maỽr+
hydic. Yggwrthỽynneb y hynny. y|rei da ym ̷+
an a|gercherir. ac a veidir. ac a boenir. o|ne ̷+
ỽyn a|sychet a gofuudyev erell*. Pann vo rỽyd
y|tyghettuenn rac y|rei drỽc. a chafel amylder
onadunt o|r daoed a|rifueisti. yna y tebic ef yr
llyngku yr ennỽir drỽy leỽenyd. |. A
phann dynner ef o|r dwfuyr hagen y|kyll y e+
neit. a thebic heuyt yỽ y|dyn y|rodher diaỽt
vechan idaỽ o|uel. Odyna hep dranc a hep or+
ffenn kymell arnnaỽ yvet y weilgi chỽerw ka+
nys yn lle y|gỽledeu y llenwir wynt o|r wermot
a hỽerỽed. megys berthal gynt a|gladỽyt yn|y
tan vffernnaỽl gỽedy y|wledeu. Yn lle karyat
y|gwraged. y|llennỽir ỽynt o|vrỽnnstanaỽl dre+
ỽant. Yn lle y gỽiscoed tec. y|gỽisgir ỽynt o gy+
| « p 29r | p 30r » |