Oxford Jesus College MS. 57 – page 106
Llyfr Blegywryd
106
dadyl. ny cheiff hỽnnỽ dauodyaỽc amgen no|e
warant yn|y|dadyl honno. kanys y gỽarant
a|dyly gỽrtheb drostunt eỻ|deu. a chanyt oes
dim o waranrỽyd. amgen noc amdiffyn a ryd+
hau. Pỽy bynnac a|vo gỽeỻ ganthaỽ araỻ y
dadleu drostaỽ noc ef e|hun. kanyat yỽ idaỽ
tewi heb dadleu dim tra vynno kynnal tauo+
dyaỽc. Y neb a vynno tystu gỽaỻ y myỽn dad+
yl yn erbyn taeaỽc* tauodyaỽc. tystet ar da+
uodyaỽc. kany eỻir proui un gỽaỻ ar y|per+
chen. kanys kannyat yỽ idaỽ trỽy gyfreith
tewi tra vo y|dadyl oỻ. Llyssu y tyston a vyd
mal y|dewisso y tauodyaỽc. ae trỽy alanas o|e
bleit e|hun. ae trỽy alanas o bleit y perchen.
kanys yn eu herbyn eỻ|deu y tystir. Ny dylyir
rỽymaỽ vn dadyl trỽy dystolyaeth ar waỻaỽ+
geir heb gennyat y brenhin. o|r perthin idaỽ
dirỽy neu gamlỽrỽ am y|dadyl o·ny thystir
kanys o|r|ỻyssir ny cheiff y brenhin dim. ac
ony lyssir ny cheif mỽy no chamlỽrỽ.
| « p 105 | p 107 » |