Oxford Jesus College MS. 57 – page 197
Llyfr Blegywryd
197
annot. ac os damdỽng a|wna yr|arwaessaf neu
dygỽydet e|hun. ac ueỻy y dichaỽn y ỻedrat gerdet
o|laỽ y laỽ hyt tra vo yn|y ỻe a|e kymero. Os arde+
lỽ a|wna o|le araỻ. a cheissyaỽ oet. ef a|e dyly. Sef
ual y dyly. os yn un gymwt ac ef y byd. tridieu
y keiff. os y|nghymỽt araỻ pythewnos. Ac ueỻy
y kerda y ỻedrat o gaffel oet o bop un ohonunt
hyt y|dryded laỽ. O|r deruyd y|dyn kymeỻ ar araỻ
gỽneuthur peth a|vei afles idaỽ. megys adef drỽc
arnaỽ. neu dilyssu y|da o|e anuod. neu gannyattau
gỽneuthur peth a vei afles idaỽ. a|dodi hynny yn|y
gyfreith. kyfreith a|dyweit nat safedic dim o|r a|w+
neler trỽy gymheỻ. kanys kystal yỽ kymeỻ a
threis. ac ual y dyly treis y heturyt dracheuyn y|r
breint y bu gynt. veỻy y dyly y peth a wneler
trỽy gymeỻ y eturyt. ~ ~ ~ ~ ~ ~
P ỽy|bynnac a vynno gỽneuthur kyuar
Jaỽn yỽ idaỽ rodi y gret ar vot ỽrthaỽ
a|chyfaruot y ỻaỽ a|e gilyd. A|gỽedy gỽnelont
hynny y gadỽ a|dylyant yny darffo y magyl.
| « p 196 | p 198 » |