Oxford Jesus College MS. 57 – page 198
Llyfr Blegywryd
198
Sef yỽ y magyl. deudec erỽ. Sef yỽ messur yr
erỽ. tri hyt y gronyn heid yn|y uotued. teir
motued yn ỻet y palyf. Tri ỻet y palyf yn
hyt y troetued. Pedeir troetued yn hyt y vyr ̷+
ryeu. wyth yn hyt y weyeu. Deudec yn|hyt
y kysseilyeu. vn droetued ar|bymthec yn hyt
yr hiryeu. Gỽialen kyhyt a|hynny yn ỻaỽ y
geilwat. ac ynteu ymblaen yr ychen. a|r yscỽrr
perued y|r hiryeu yn|y laỽ. a hyt y kyrhaedo a
honno o bop tu idaỽ yỽ y deu eiryonyn y|r erỽ
a|hynny gan hyt y vreich. a|dec hyt ar|hugeint
y honno yỽ hyt yr erỽ. Yr erỽ gyntaf yr ama+
eth bieiuyd. a|r eil y|r heyrn. a|r tryded y|r chỽech ̷+
et ych kyuarch*. Y pedwared y|r|chwechet ych gỽ+
eỻt. rac torri yr ieu. a|r bymhet y|r geilwat. ac
ueỻy y kerda yr erỽy. o oreu y oreu o|r ychen. O
hynny aỻan dyeithyr yr ieu y·ryngthunt hyt
y|diwethaf. a gỽedy hynny erỽ y gỽyd. a|honno
a|elwir kyfeir y casnad. a hynny un·weith yn|y
vlỽydyn. O|r|deruyd udunt mynnu gỽahanu
| « p 197 | p 199 » |