Oxford Jesus College MS. 57 – page 203
Llyfr Blegywryd
203
maeth. ac ny dylyant ỽy vn kymorth. Y geilwat a
dyly diwallu yr ewydon. a gỽydyn y pistleu. Os
hirwed vyd y torcheu bychein. a|gỽieil y doleu. O
deruyd y|dyn torri troet aniueil ny bo eidaỽ. neu
y vordỽyt. neu wneuthur briỽ y del nychtaỽt y|r ani+
ueil ohonaỽ. a|bot yr aniueil yn lan ual y gaỻer
yssu y gic. Jaỽn yỽ y|r dyn a|e briwawd. kymryt
yr aniueil attaỽ o|e uedegynyaethu yny vo iach
kany dydy* perchennaỽc yr|aniueil ỻauuryaỽ
dros angkyfreith y neb a|wnaeth cam idaỽ. Ac
os aniueil blith a|vriwaỽd. neu ych a|ardo. roder
y berchennaỽc aniueil kyfryỽ kystal ac ef. y wn+
euthur y mỽynant a|wnelei a|r|eidyaỽ e|hun. Ac ̷
os marỽ vyd yr aniueil. trigyet yr aniueil a+
raỻ a aeth yn|y arwystyl yn dilis yn|y le. ac os
byỽ vyd a|˄e|welet yn iach delediỽ. kymeret baỽp
yr eidaỽ ual|kynt. O deruyd marỽ yr aniueil
yn|y ỻe pan vriwyt. kynnickyer y|r neb a|e briỽho.
ac ony|s mynn defnydyet y perchennaỽc ef. Os
ef a|dyweit ynteu. Mỽynhaa|di ef. a mi a|e|talaf
ual y dywetto. Kyfreith. oreu ytti. Sef a|dyweit y gyfre+
ith
| « p 202 | p 204 » |