Breudwd Welsh Prose 1300-1425
Cymraeg

NLW MS. 3035 (Mostyn 116) – page 104r

Brut y Brenhinoedd

104r

redic ef y gan paỽb o| r a glyỽhei dywedut ymdanaỽ.
Ac ỽrth hynẏ gỽedy y ardyrchoccau ef o| r vrenhinyaỽl
enryded hỽnỽ gan gadỽ ohonaỽ y gnottaedic defaỽt. ef
a ymrodes y haelder Ac odyna kymeint o amhylder
marchogyon a lithrei attaỽ. a| megys y dyffygyei idaỽ da
y| rodi vdunt yn vynych Ac eissoes py diỽ bynhac y bo
haelder anyanaỽl ygyt a| phrofygedic volyant kyt bo
eisseu arnaỽ ar talym. Yr hyny ny at duỽ wastat ag+
henoctit y argywedu idaỽ. Ac ỽrth hẏnẏ arthur kanys
molyant a gytymdeithoccaei haelder a dayoni. ỻuny+
aethu ryfel a oruc a| r saesson hyt pan vei oc eu golut
ỽy y| kyfoethogei ynteu y| teulu a| e varchogyon. kanys
jauỽnder a| dyscei hyny idaỽ. kanys ef a dylyei o trefta+
deỽl dylyet o| ỻ hywodraeth* yny* prydein. A| chynnuỻaỽ
a oruc ef yr hoỻ jeuenctit a oed darystygedic idaỽ. A chyr+
chu parth a| chaer efraỽc. A gỽedy gỽybot o Golgrim hyny
kynuỻaỽ a oruc ynteu y saesson a| r yscotteit a| r fichteit
Ac ygyt o aneiryf luossogrỽyd nifer gantaỽ yn erbyn
arthur hyt yg glan dulas. A gỽedy ym·gyfaruot yna
o| pop parth y dygỽydassant ỻawer o| r deu lu. Ac o| r diwed
arthur a| gafas y vudugolyaeth. A| fo a| oruc kolgrim y| dinas
kaer efraỽc. Arthur a| e lu a gychwynỽys ac a| warchetwis
y| dinas arnaỽ. A| gỽedy clybot o baldỽff y vraỽt ynteu
hẏnẏ; ef a| gyrchaỽd tu a| r ỻe yd oed y vraỽt y| gwarchae
a| chwe|mil o| wyr gantaỽ y geissaỽ y rydhau odyno. kanys
yr amser yd ymladassei arthur a| e vraỽt ef. Yd oed bal+
dỽf yna ar lan y| mor yn aros dyfot chledric o| germani
a oed yn dyfot a| phorth gantaỽ vdunt. Ac ỽrth hyny gỽe+
dy y dyfot hyt ar dec miỻtir y| ỽrth y gaer. darparu a o+
ruc dỽyn kyrch nos am pen arthur a| e lu Ac eissoes