Breudwd Welsh Prose 1300-1425
Cymraeg

NLW MS. 3035 (Mostyn 116) – page 166v

Brut y Tywysogion

166v

ymchoelaỽd y getymdeithon ar fo. A|phan gigleu lywarch
ap trahayrn hẏnẏ ymchoelut ef a|e wyr drachefyn a|wna+
eth y|wlat. a gỽedy y lad|ef y kynhelis y vrodyr y ran ef
o powẏs eithyr yr hyn a dugassei ywein kyn no hynny
gan varedud vab bledẏn nyt amgen kereinaỽn Yr hỽn
oed eidaỽ Madaỽc vab ridit. kyn|no hyny. ac enweu y vro+
dyr yỽ y rei hyn. Madaỽc ap kadỽgaỽn. o|wenỻian verch
ruffud ap kynan. ac einaỽn vab kadỽgaỽn. o|sanan verch
dyfynwal. a|r trydyd oed ỽrgan ap kadỽgaỽn. o eỻelỽ verch
kediuor ab goỻwyn y|gỽr a vu penaf arglỽyd ar|wlat dy+
fet. Petwyryd vu henri vab cadỽgaỽn o|r franges. verch
pictot tywysaỽc o|r freinc. ac o|hono y bu vab araỻ idaỽ
a elwit gruffud. Y|wechet vu varedud. o euron verch hoe+
dlyỽ ap kadỽgaỽn ap elstan. a gỽedy hyny yd ymar·uoỻes
einaỽn ap kadỽgaỽn ap bledẏn a gruffud ap Meredud ap
bledyn y·gyt y dỽyn kyrch am ben casteỻ vchtrut vab etwin
a oed gefynderỽ y vledyn vrenhin. Kanys jweryd mam ywein
ac vchdrẏt. veibon etwin a|bledyn vab kyn·uyn oedynt braỽt
a|chỽaer vn dat ac nyt vn vam. kanys agharat verch ve+
redud ap ywein oed vam vledẏn. a chynuyn ap gỽerstan oed
y|tat eỻ deu. a|r casteỻ ry|dywedassam ni a oed yn|y ỻe a|elwir
kymer y|meironyd. Kanys cadỽgaỽn vab bledẏn a rodassei
veironyd a|chefeilaỽc y vchdrut vab etwin dan amot y vot
yn gywir idaỽ ac y veibon ac yn|gymhorthỽy yn erbyn y
hoỻ elynyon. ac ynteu oed ỽrthỽynebỽr ac ymlad·gar yn
erbyn kadỽgaỽn a|e veibon. a gỽedy coỻi ywein heb dyby+
eit gaỻu dim o veibon kadỽgaỽn. a|wnaeth ef y dywededic
casteỻ ac ỽynteu a dywedassam ni vry drỽ* sor a gyrchasant