NLW MS. 3035 (Mostyn 116) – page 28v
Brut y Brenhinoedd
28v
parth y|r llu heb frost gan neb. Ac na ladei neb onadunt
vn gỽr yny elei vrutus hyt y|mhebyỻ y brenhin yn gyn+
taf. ac yna pan glywynt y gorn ef gỽnelhei paỽb y|aỻu.
A gỽedy eu dysgu y·veỻy o vrutus ỽynt kedet a
wnaethant yn daỽel ac yn reolus yny doethant
ym|plith y|ỻuesteu paỽb yn|y|gyfeir ac y·veỻy
aros yr arỽyd teruynedic a oed y·rygtunt ac eu
harglỽyd. Ac yna gỽedy dyuot brutus y|drỽs pebyỻ
y brenhin y|r ỻe y damunassei y|dyuot idaỽ heb an ̷+
not y|kanpỽyt y|corn yn arỽyd Ac yna ny|s annodes
neb o|e wyr namyn mynet y|myỽn ar tor kyska+
duryeit a rodi dyrnodeu agheuaỽl vdunt. Ac y+
n|y wed hono briwaỽ y|pebyỻeu a|r ỻuesteu. ac y+
veỻy gan gỽynuan a disgyryein y|rei meirỽ y|dyf+
roei y|rei byỽ a megys deueit ym|plith bleideu heb
ỽybot ford y|fo yd arhoynt eu hageu. Nyt oed vdunt
naỽd kany cheffynt o ennyt gỽisgaỽ eu harueu ny
cheynt ỽynteu fo namyn rydec yn noethon diaruot
ym|plith eu gelẏnẏon aruaỽc ac y|ỻedit. Ac o|diago
neb ac ychydic o|e eneit gantaỽ rac meint y|aỽyd
yn fo briỽaỽ ac yssigaỽ a|wnaei ar gerryc a|drein a
mỽyeri. ac ygyt veỻy y coỻynt eu gỽaet ac eu he+
neideu. Ac o|darffei y|rei onadunt o nerth ae tary+
an ae arueu ereiỻ caffel ỻe y ymgudyaỽ drỽy dy+
wyỻỽch y|nos ym|plith y kerric y|syrthynt yny vriỽ+
ynt yn annauus Ac o|diagei neb o|r damwein tyg+
hetuenaỽl hỽnnỽ y bodynt ar y|dyfred gyr eu ỻaỽ
ac y·veỻy breid oed o|diaghei neb yn dianaf o|r ryỽ
damwein direidi hỽnnỽ ac ef. A gỽedy gỽybot o|wyr
y casteỻ bot eu harglỽyd yn ỻad eu gelynyon y+
| « p 28r | p 29r » |