Breudwd Welsh Prose 1300-1425
Cymraeg

NLW MS. 3035 (Mostyn 116) – page 69v

Brut y Brenhinoedd

69v

yỽch kymheỻassant y adaỽ aỽch keibeu a megys
deueit kyfeilornus heb vugeil arnadunt aỽch
gỽasgaru. kany mynyssaỽch kymyscu aỽch dỽẏ+
laỽ ar dysc ymlad. Ac ỽrth hynnẏ py hyt y keis+
sỽch|i bot rufeinaỽl arglỽydiaeth yn vn gobeith
yỽch. Ac yd ymdiredỽch yn estraỽn genedyl nẏ
bei deỽrach no chỽi pei na|r atteỽch y lesged aỽch
goruot. Ednebydỽch hefyt bot gỽyr rufein yn
blinaỽ ragoch ac yn ediuar gantunt y genifer
hynt a gymerassant dros vor a|thros tir gan ym+
lad ac eu gelynyon drossoch yn wastat ac weith+
on y|maent yn dewis madeu eu teyrnget iỽch
ymlaen diodef kyffroi ỻafur drosoch beỻach.
Pei bydeỽch|i yn yr amser y bu y marchogyon yn
ynys prydein beth a tebygỽch|i ae yr hẏnnẏ y te+
bygỽch|i fo dynaỽl anyan y ỽrthyỽch. a geni dyny+
on yg|gỽrthỽyneb anyan. Megys bei genit o|r bi+
lein varchaỽc. ac o|r marchaỽc bilein ac yr dis+
gynu dyn y gan y gilyd ny thebygaff|i coỻi ona+
dunt ỽy eu dynaỽl anyan yr hynny. kanys dyn+
yon yỽch. gỽneỽch megys y dyly dynyon. gelỽch
ar grist hyt pan vo ef a|rodho iỽch leỽder a|rydit
A gỽedy teruynu o|r archescob y ymadraỽd a|e
barabyl yn|y wed honno; kymeint vu y|kynỽrỽf
yn|y wed hono yn|y bobyl a|r nifer. Ac megys y|ty+
bygit yn deissyfyt eu bot gỽedy eu kyflenwi o leỽder
A c yn ol y parabyl hỽnnỽ y|rodes y rufeineit ka+
darnyon dysgedigaetheu ar ymladeu y|r er+
grynedic bobyl honno Ac adaỽ agreiff vdunt
y|wneuthur aeruaeu. Ac erchi udunt a·deilat