NLW MS. 3035 (Mostyn 116) – page 84r
Brut y Brenhinoedd
84r
am y|ỻeỽes o ryt y vagyl. Pop gỽeryt a gynheitta. A
dynyolyaeth a|beit a godineb. Pop peth o hyn teir oes a|e
gỽyl. yny datgudyer y brenhined cladedic yg|kaer lun+
dein Eilweith yd ymchoel newyn a marwolyaeth y
bobyl Ac o|diffeithỽch y keyryd y doluryant y kiddaỽt*+
wyr Odyna y|daỽ baed y gyfnewit yr hỽn a gynuỻ
y gywarscaredigyon genueinoed ar eu koỻedigyon
porueyd. y vron ef a vyd bỽyt y|r rei eissywedic. A|e
dauaỽt ef a hedycha y|sychedigyon. O|e eneu ef y ker+
dant a·vonoed y rei a werynant gỽywon weussoed
y dynyon. Odyna ar tỽr ỻundein y creir pren a their
keig arnaỽ yr hỽn a|tywyỻa ỽyneb yr hoỻ ynys o let
y deil. Yn erbyn hỽnỽ y kyfyt gỽynt y dỽyfrein. Ac o|e
enwir wythyat ef a gribdeila y tryded geig. Y|dỽy a
driccyo a achubant ỻe y diwreidedic yny dielwo y|neiỻ
y|ỻaỻ o amylder y deil. Odyna y|kymer yr vn ỻe y dỽy
Ac adar y|teyrnassoed ereiỻ a gynheil. O|e|wladolyon
adar y byd ar·gywedus. ka·nys o ofyn y wasgaỽt y|coỻant
eu plant. E|hỽnỽ y|nessa assen enwired. buan. yg|gỽeith
eur. ỻesc yn erbyn cribdeil y bleideu. Yn diewed hỽnỽ
y ỻoscant y deri drỽy y|ỻỽyneu. Ac yg|keigeu y|ỻỽyf
y gỽeskerir y|maes. Mor hafren drỽy seith a·ber y|ret
Ac a·von ỽysc drỽy seith mis y kymerwa. Pysgaỽt hono
a|vydant varỽ o wres. Ac onadunt y creir nadred Yna
yd oera enein badỽn A|e dyfred iachỽydaỽl a vagant
a|geis ỻundein a gỽyn agheu vgein mil. Ac a·von temys
a symut yn waet. Y|kyflogyon a elwir ar y|noathoryeu*
Ac eu ỻefein a glywir y|mynyded myneu ~ ~
T eir fynaỽn a gyfyt o gaerwynt. FFrydyeu y|rei hyny
a hoỻant y dayar yn teir ran. Y|neb a yffo o vn o+
| « p 83v | p 84v » |