NLW MS. 3036 (Mostyn 117) – page 150
Brut y Brenhinoedd
150
uaỽt aniueileit y rewydant. ỽrth hynny y daỽ ka+
ỽr enwired; yr hỽn a aruthra paỽb o lymder y lygeit.
Yn erbyn hỽnnỽ y kyfyt dreic kaer wyragon. A hỽn+
nỽ a|uedylya y|distryỽ. Guedy y bo ornest y·rydunt.
y goruydir y dreic. Ac o enwired y budugaỽl y kywer+
segir. kanys escynu y dreic a wna. Ac yny bo diodedic
y wisc yd eisted ar y geuyn yn noeth. y|dreic a|e dỽc
ynteu ar oruchelder. yny bo dyrchauedic y loscỽrn.
a|e maed yn noeth. Eilweith yny bo atgymeredic
y grym; y bỽrỽ y kaỽr a chledyf y orchuanev. Yn|y
diwed ef a blygir y sarff dan y loscỽrn. Ar guenỽy+
nic a balla. Yn ol hỽnnỽ y daỽ baed tỽtneis. Ac
o greulaỽn lỽybyr y kywarsaga y bobyl. Kaer
loyỽ a ddyrcheif lleỽ. yr hỽn a aflonyda o amry+
ualyon ymladeu. hỽnnỽ a sathyr dan y traet.
Ac o agoredigyon orchyruaneu y haruthra. yn|y
diwed ar teyrnas y kywaethla y lleỽ. A chefneu
y bonhedigyon a escyn. Odyna y daỽ tarỽ yr am+
rysson. Ar lleỽ a|tereu o|e troet deheu. hỽnnỽ a ỽrth+
lad y leeu* dielỽ y teyrnas. y gyrn hagen a|tyrr
muroed kaer exon. llywynaỽc kaer dubal a dial y
lleỽ. Ac a|e treulha oll a|e danhed. Neidyr kaer lin+
col a|damgylchyna y llewynaỽc. A|e kyndrycholder
y lawyrolyon nadred a tystir o aruthyr whibanat.
Odyna yd ymladant y dreigeu. Ar neill a vriỽ y
llall. Yr adeinaỽc a gywarsagha yr hon heb adan+
ed. A|e guenỽynic ewined a weisc yn|y genoed.
| « p 149 | p 151 » |