NLW MS. 3036 (Mostyn 117) – page 47
Brut y Brenhinoedd
47
1
adar. mal y dylyei teyrn. A|r tywyssaỽc a gauas
2
yn| y gyghor rodi vn verch oed idaỽ yn wreic y
3
vran. Ac ony bei ettiued o was. kanhyadu y vran
4
y| gyfoeth gan y verch o bei hyn noc ef. Ac o bei id+
5
aỽ ynteu. Adaỽ porth y vran y| orescyn y| gyfoeth
6
e| hun. Ac odyna ny bu pen y ulỽydyn marỽ segyn
7
tywyssaỽc bỽrguin. A|r guyr a garei vran gynt
8
yn vaỽr o| getymdeithas. ny bu anhaỽd gantunt
9
darestỽg o|e ỽryogaeth. A guedy tynnu paỽb yn
10
vn uedỽl ac ef. medylyaỽ a oruc dial ar veli y vra+
11
ỽt y sarhaet. Ac yna heb annot trỽy gyghor y
12
wyrda kygreiraỽ a ffreinc. val y kaffei yn hedỽch
13
kerdet trỽy ffreinc a|e lu hyt yn traeth flandrys
14
y lle yd oed y logeu yn| paraỽt. A guedy eu dyuot
15
yno hỽylyaỽ hyny doethant ynys prydein. A
16
phan doeth y| chwedyl ar veli. kynnullaỽ a oruc
17
ynteu ieuenctit a deỽred ynys prydein yn| y er+
18
byn ef. A phan weles tanwen mam y gueisson
19
y bydinoed yn paraỽt ac yn chwanhaỽc y ym+
20
gyfaruot. bryssyaỽ a oruc hitheu trỽy ergryny+
21
edigyon gameu hyt y lle yd oed vran y mab.
22
a oed damunedic genthi y welet. A noethi y| dỽy+
23
vron trỽy dagreu ac icuon. Ac erchi idaỽ coffau
24
pan yỽ yn| y challon hi y| creỽyt yn dyn o peth
25
nyt oed dim. Ac erchi y| charedic vab coffau y| po ̷+
26
en a|r gouit a| gaỽssei yn| y ymdỽyn naỽ mis y+
27
n| y challon. A chan hynny erchi idaỽ madeu y
| « p 46 | p 48 » |