NLW MS. Peniarth 11 – page 242v

y|diolỽch udunt. Ac adalygaỽd y walchmei o chlywei vot peri+

gyl o|r|byt arnaỽ dyuot o|e gymorth. Ar vyng|cret heb·y gỽalch  ̷+

mei nat reit ytt adolwyn hynny. kanys ti yỽ vn o|r rei mỽyaf

a|dylyaf y garu o|r byt. ac ar|hynny arthur a gỽalchmei a gerdas  ̷+

sant ymeith. a meliot a ystoryaỽd y casteỻ. ~  

D ywedut y mae yr ymadraỽd yma varchogaeth o arthur

a gỽalchmei yny doethant y ynys avaỻach yn|y ỻe y

cladyssit y vrenhines. ac ygyt a|r meudwyeit yno y buant ỽy

nosweith y rei a|wnaeth ỻewenyd maỽr udunt. Eissyoes ef

a eỻir gỽybot yn ỻe gỽir nat oed dra ỻaỽen y brenhin y nos hon+

no. namyn atnewydu a|wnaeth y dristit a|dywedut nat oed yn|y

byt ỻe kyn iaỽnet idaỽ y anrydedu a|hỽnnỽ. Trannoeth y bore

gỽedy offeren ỽynt a aethant ymeith yn vnyaỽnaf a|geỻynt tu

a|chaer ỻion. a|r|brenhin a|weles y dir wedy|r|distryỽ yn|ỻawer o le+

oed yr hynn a|oed drist ganthaỽ. ac ef a|wybu yn hyspys panyỽ

kei a|oed yn ryuelu arnaỽ y·gyt a|r ỻeiỻ. a ryued vu ganthaỽ ef

vot kei yn gyn|hyet a|hynny. a thu a|chaer ỻion y doeth ef. A

phan wybu laỽnslot a|e gedymdeithon hynny ỻawen vu ganth  ̷+

unt a|dyuot yn|y erbyn a|orugant. Y ch·wedleu hynny a aeth y bop

ỻe ar|hyt y kyuoeth. a|ỻawen vu baỽp o hynny. kanys ỻaỽer a

oed yn tybyeit y varỽ. Pan wybu dylỽyth casteỻ y greic calet y dy+

uot ef adref. ny bu|digrif ganthunt ỽy hynny na|chyuyl. eissy+

oes kei a|oed gỽedy y iachau o|e dyrnaỽt. ac ef a vedylyaỽd mae ffo+

lineb maỽr oed idaỽ o thrigyei mỽy yno yr ryuelu ar arthur.