NLW MS. Peniarth 11 – page 257r

Yna disgynnu a|oruc ef a|dyuot y|r neuad. a|r vnbennes a  ̷

beris diosc y arueu y amdanaỽ a roi diỻat idaỽ o|e gỽisgaỽ. a

unbennes heb·y laỽnslot weldyma beth o|r amdo a|ercheist di y  ̷+

mi. ac weldyma y cledyf. ac eissyoes ti a|m gwattwereist i am benn

y griff. Gwir a|dywedy di heb hi o achaỽs y vorwyn o|r casteỻ yr

honn nyt oed gas genthi di. y gỽneuthum i hynny. kanys

hi a|m|gwediassei i. ar dywedut hynny ỽrthyt. a|phony weles

hi dydi. Gweles heb ynteu. Yr unbennes yna a|gymerth laỽ+

nslot ac a|e|duc y|r ỻe yr|oed meliot yn|glaf y|mywn gỽely tec. A

laỽnslot yna a|eistedaỽd geyr y|laỽ ac a|ovynnaỽd pa|delỽ yr oed.

Meliot heb y vorwyn weldyma lawnslot dy lac yn dyuot a|th

iechyt ytt. Arglỽyd heb ef grassaỽ duỽ ỽrthyt. Duỽ o|r nef ~

heb·y laỽnslot a ro iechyt ytt yn ehegyr. Yr duỽ heb·y meliot pa

delỽ y mae gỽalchmei. Pan|deuthum i y ỽrthaỽ ef heb·y la+

ỽnslot yd oed yn iach. a phei|gỽypei ef dy vot ti ual yd ỽyt ef

a vydei drỽm ganthaỽ ef a|chan y|brenhin. Arglỽyd heb ef

y marchaỽc a|doeth y geissyaỽ dỽyn y casteỻ y arnaf a|rasso+

edynt ỽy a|m anafaỽd i ual hynn. ac ynteu a vu uarỽ gỽedy

hynny. namyn y dyrnodeu a|roes ef ymi a vuant ry greu+

laỽn. kanys ny eỻit vy iachau i vyth pa·ny bei gael y

cledyf y|m brathwyt ac ef. a|chael peth o amdo y marchaỽc.

Arglỽyd heb y vorwyn ynteu a|duc ytti bop vn onadunt ac

weldy yma ỽynt. Arglỽyd duỽ heb ef a|dalo ytt. ym pob ryỽ

vod y mae dy vilỽ˄ryaeth di yn ymdangos. kanys pany bei