NLW MS. Peniarth 15 – page 9

clyt a|gwisgoed dvon pẏclẏt amdanadvnt a|dreigev tanllyt a seif* a nadred gwen+

wẏnic yn dorchev am ẏ mẏnnẏglev A naw kẏthrevl ysgithrawc a chyrrn

tanllẏt arnvnt ẏn|ẏ arheilẏaw Ac ẏn|ẏ agreifẏaw ac ẏn dywedut wrth+

vnt adnebẏdwch chwi vab dvw byw y gwr a|brẏnawd ẏ|bẏd yr ẏ|wyrth+

vawr waet a|govẏn a|orvc Pawl yna y|r angel pwẏ oydẏnt Llẏma heb

ef ẏ rei nẏ chetwis y|diweirdeb Ac a|bechassant wrth y karessev Ac

a|dorrassant ẏ|priodassev ac a|lladassant eu plant Ac a|e|bẏrrẏassant yn vvẏt

y|r prẏfet neu ẏ|mywn dwfyr o|e|bodi new ẏg|kẏfyrgoll arall Ac ny|wnaethant

y penẏt kẏnn aghew Odẏna ef a|welei gwẏr a|gwraged ẏ|mẏwn tan a ia a|r tan yn

lloskẏ y|neill hanner vdvnt a|r oervel ẏn|ẏ crẏdv o|r tu arall ac ẏn|ẏ krẏfuachv

Llẏma heb yr angel ẏ|neb a|argẏwedaỽd yr ym·difeit a|r|gwraged gwedv

odẏna ef a|welei yn lle arall henwr ẏn|rwẏm rwg pedwar kythrevl Ac yn+

tev yn|wylẏaw ac yn vdaw A|phawl a|ovẏnnawd pwẏ oed hwnnw es+

cop gwallvs heb yr angel yw nẏ|chedwis kẏfreithev dvw Ac ny bu di+

weir o|eir nac o weithret na medwl namyn kẏbẏd twyllwr a|cham·ryvyg+

us Ac am hẏnẏ ẏ|bẏd arnaw yntev anneirẏf o|boenev hẏt dẏdbrawt Ac

yna ẏ|dẏwat pawl Och Och Och gwae ỽẏnt ẏ pechadvrẏeit ẏ|geni Ac

yna y|dywat yr anghel wrth pawl paham ẏd ochẏ|di pawl nẏ weleist|e

eto nemaỽr o|boenew vffernn Ac yna dangos pẏdeỽ a|rvc* ẏdaw a seith

ynsseil arvaw* Saff o|bell heb yr angel kannẏ ellẏ diodef derewant* ẏ|pẏ+

dew hwn. A|phann agoret genew ẏ|pẏdev eff a|gyvodes drewant o·honaw

val ẏ|tẏbẏgei pawl ẏ vot ẏn waeth no holl boenev vffernn. Pwẏ

bynnac heb ẏr angel a|dẏgỽẏdho ẏn|ẏ pedẏdev* hwn nẏ bẏd ẏ|gof ef byth

gyr bronn dvw Y rei hẏnnẏ heb yr angel nẏ credassant ẏ grist ẏ gwr a|dio+

defawt anghew yr pobyl ẏ|bẏt Ac nẏ chredassant kymryt ohonaw

gnawt dẏn na|e eni o|veir wẏrẏ Ac nẏ chẏmerassant vẏdẏd ẏn enw

dvw Ac nẏ thallassant wy degemhev ẏ|r eglwyssev Ac a|trymygass+

ant ẏ|kẏnesseiveit Ac nẏ chẏmerassant gẏmvn o gorff crist na|ẏ waet

odyna ẏ|gwelas pawl gwẏr a|gwraged yn noethon a|phrefet a|nadred yn|y

bwyta a hẏnnẏ pob vn ar warthaf ẏ|gẏlẏd megẏs deveit ẏ|mẏwn phalt

a|chyn|dewet oed y|lle yd|oedẏnt yndaw ac o|r nef hẏt ẏ llawr Ac ef a|glẏwei

kwynvan a|gridvan ac wẏllovein megẏs taran yn|ẏr awyr Ac edrych a|orvc

pawl o|bell i wrthaw ac ef a|welei eneit pechadvr yn rwẏm gan seith kẏth+

rewl gwedẏ dwẏn yr awr honno o|r korff ac yntev yn gweidi ac yn vdaw

Ac engẏlẏon nef yn llevein ac yn|dẏwedvt Och Och eneit trvan pa|beth

a|re* |wnaethost|i hiev medei vn o|r diefyl Llẏma yr eneit a|tremẏgawd gorch+

ymynnew dvw a|e gyfvreithew Ac yna darllein chartẏr a|e pechodev a|e  

weithredoed drwc ẏn yscrivenedic ẏndi ac ẏn|ẏ|varnv yng|kẏfvyrgoll a|r dieuyl