NLW MS. Peniarth 190 – page 127
Ystoria Lucidar
127
pasc e|hun yn|yr vn aỽr ac y kyuodes crist
o veirỽ. discipulus A vyd neb yna yn|y byt. Magister|Byd
kyn|gyflaỽnet o|dynyon ac y mae hediỽ ac
yn ỻauuryaỽ megys yr aỽr honn. Rei yn
eredic. ereiỻ yn mordỽyaỽ. ereiỻ yn adei+
lat. ereiỻ yn gỽneuthur petheu ereiỻ. discipulus
Beth a|vyd y|r rei hynny. Magister Pan gyuot+
to y rei gỽirion. engylyon a|e|tynn ỽynteu
y|r awyr yn erbyn crist a|e etholedigyon.
ac a vont vyỽ a dyvynnir yno ygyt. ac
yn|y tynnedigaeth hỽnnỽ y bydant veirỽ.
ac y daỽ eu heneideu yndunt dracheuyn
yn|yr aỽr honno. ac veỻy y daruu y veir
ac y Jeuan ebostol. Meir gỽedy y marỽ a
gymerth y chorff ac a aeth y|r nef. a Jeu+
an a dyrchafỽyt yn|y gorff a|e eneit y
uyny. ac yn hynny y credir y varỽ. ac yn|y
ỻe y vyỽ drachefyn. Y rei drỽc yn|y kynnỽ+
ryf hỽnnỽ a|vydant ˄veirw. ac yn|y ỻe yd atuyỽ ̷ ̷+
haant. a hynny yỽ barn byỽ a|meirỽ. discipulus|a
gyuyt y rei a|vuant veirỽ yn|y mameu. Magister.
Y saỽl a gymerth ˄yspryt buchedaỽl ohonunt ỽynt
a|gyuodant.
| « p 126 | p 128 » |