NLW MS. Peniarth 190 – page 191
Ymborth yr Enaid
191
neb yn vỽy no thi dy|hun. namyn duỽ. kyt
ys|kerych yn gymeint a|thi|dy|hun. Dy
gyfnessaf yỽ pob un o ffydlonnyon crist.
Sef yỽ hynny pob cristaỽn ffydlaỽn. ac
yn|bennaf paỽb o|r a|wnaeth da ytt. kyt
bych mỽy rỽymedic y|th rieni a|th ge+
reint noc y estronyon. Ac yn vỽy y|th
rỽymir y garu dy rieni a|th gereint ys+
prydolyon. megys eglỽyswyr a|chredyfw+
yr. no|th rieni a|th gereint knaỽdolyon
megys y mae mỽy yr yspryt no|r knaỽt.
Ac yn bennaf o hynny ot ỽyt gredyfỽr
kar dy gyt·gredyfwyr a|th dadeu yspryt ̷+
olyon. Pob ryỽ garyat araỻ o|r a|dotter
ar greadur dy·eithyr a|garer yr duỽ. yn+
vytserch yỽ. ac ny henyỽ o wrychyon yr
yspryt glan. ỽrth na henyỽ o gylch y
drindaỽt yr hỽnn yssyd bop ryỽ·beth. ar
dim y troir. ac ygyt a|dim y coỻir.
Sef yỽ dim absen a|gỽrthỽyneb y bop
ryỽ·beth. ac am hynny o·dieithyr kylch
| « p 190 | p 192 » |