NLW MS. Peniarth 190 – page 232
Penityas
232
pechaỽt. nyt kyffelyb y dineuat hỽnnỽ
y dineuat y dỽfyr. y·gyt a hynny y mae
rei a|gelant eu pechodeu marwaỽl. neu
o|e bot ỽy yn aruthredic gan ovyn. neu
eu ỻesteiryaỽ o gewilyd. neu o an·ym+
diret. Ef a|dylyir dywedut y|r ryỽ rei
hynny. ny damuna y vedeginyaethu
y neb a|gudyo y welieu. ac ny dylyir
rodi medeginyaeth ỽrth y brath tra
vo yr haearn yndaỽ. Eissoes o·ny dich+
aỽn yr offeiryat rac byrret yr amser
ac amlet y penytwyr dangos yn wa+
hanredaỽl y bop vn. yna ef a|dyly
yn|dechreu y garaỽys pregethu hynny
yn gyhoedaỽc. Odyna gỽarandawet
ef y gyffes yn an·mynedus. ac yn
yspryt clearỽch a dyborthet ef. ac an+
noget idaỽ hyt y gaỻo o|lawer o vodeu
kyffessu yn gyfa megys y dywetpỽyt
uchot o|r blaen. O|r byd amgen no
hynny. ny byd gỽir y gyffes. na iach+
| « p 231 | p 233 » |