Breudwd Welsh Prose 1300-1425
Cymraeg

NLW MS. Peniarth 33 – page 45

Llyfr Blegywryd

45

arall; hỽnnỽ a|tal. neu a|erbyn deu|kẏ+
meint a|r|ỻall. Ac vellẏ ẏ|mae am baỽ+
p o|r achoed. ac eu haelodeu P·lant
ẏ lloffurud neu ẏ|lladedic nẏ delẏant
talu dim. na|e erbẏnẏaỽ o werth gala+
nas. kannys rann ẏ|lloffurud ẏr hỽnn
a|tal mỽẏ noc vn arall. a seiff drostaỽ
ef a|e blant; A|phrẏder ẏr rei hẏnnẏ
heuẏt a|berthẏn y vot arnaỽ ef;. Prẏ+
der plant ẏ|lladedic a|berthẏn ẏ|vot ar
ẏ reeni a|e gẏtetiuedion a|gaffanttra ̷ ̷+
ẏan gỽerth y|alanas Ac gverth cỽbẏl
ẏ sarhaet. Ac ỽrth hẏnnẏ; nẏ thal etẏued
vn ohonunt. ac nẏt erbẏnnẏa rann o
alanas. O|r byd kar ẏ|r lloffurud neu
ẏ|r lladedic ẏn ỽr eglỽẏssic rỽymedic
ỽrth vrdeu kẏssegredic. neu ỽrth gre+
ỽẏd. neu glafỽr neu uuut* neu ẏn+
vyt nẏ thal ac nẏt erbẏnnya dim
dros alanas ny dẏlẏir gỽneuthur
dial ar vn o|r rei hẏnnẏ dros alanas
ac nẏ dẏlẏant wynteu dial ẏ neb a  ̷
lather. Ac nẏ ellir eu kymell o vn  ̷
fford ẏ|talu. nac ẏ|erbẏnnẏaỽ dim  ̷