NLW MS. Peniarth 35 – page 80v
Llyfr Iorwerth
80v
y gantaỽ a mach ar y dilysrỽyd. Ac o
deruyd dyuot perchennaỽc arall ac
amlyssu y gỽystyl Ef a dyly dyuot o|r
eidaỽ ef y gystal yn| y le. kyn mynet
y llall y gantaỽ. [ y gỽystyl a ỽyst+
lo gỽreic. Ny dyly y gỽr y amlyssu. Nar
wreic gỽystyl y gỽr y uelly. Pỽy| byn+
hac a uo llỽgỽr maỽr ar y yt. A chaff+
el ysgrybyl arnaỽ a mynnu o·honaỽ
y gan yr ysgrybyl hynny diuỽyn cỽ+
byl. Nys dyly namyn talu idaỽ vrth
lỽ perchennaỽc yr ysgrybyl a lygrỽys
na maỽr na bychan uo. A hỽnnỽ a dyly
uot yn un ryỽ y deu tir yn diuỽyn
llỽgỽr a chyn kalan gayaf y ouyN.
Pỽy| bynhac a ssymutto y yt y ar y so+
uyl hyt ar y gwyndỽn. A gỽneuthur
y das ar y gwyndỽn. ket llykrer yno
ef ny diwygir. Vn keinaỽc. yỽ llin a uo
eithyr y gardeu ar yt. Nyt un+
dyn herwyd breint a| dylyho na diwycco
llỽgyr. Ny dyly neb godro ysgry+
byl blith ac wynt yn daly. yr y uot yn
perchennaỽc yr ysgrybyl nac un mỽ+
ynyant arnadunt heb ganyat y deilyat.
| « p 80r | p 81r » |