NLW MS. Peniarth 36A – page 36r
Llyfr Blegywryd
36r
lluydeu. Ac or byd yr anafus hỽnnỽ
etiued dianaf; hỽnnỽ a uyd etiued oe
dylyet ef o tir. Pỽy bynhac a gymero
dylyet dyn anafus o tir. pryderu yr a ̷+
nafus a oruyd arnaỽ o uỽyt a dillat tra
OR gomed dyn teir gỽys [ vo byỽ.
o pleit y brenhin am tir ac na del
y atteb yr neb ae gofynho. yr haỽlỽr a
dodir y medyant o·honaỽ. Os o achaỽs
kyfreithaỽl y trigyỽys ynteu heb dyuot.
ef a geiff werescyn oe tir. Os tremygu
y gyntaf a dyuot yr eil neu yr tryded.
y gnifer gỽys a tremycco; y gnifer cam ̷+
lỽrỽ a tal yr brenhin. ac eissoes ny dygỽ ̷+
yd oe dadyl namyn os kyfreith ae barn
idaỽ gỽrthebet. Ny chyll neb y tir yr
dygỽydaỽ yg|gỽallaỽgeir hyny dygỽy ̷+
tho teir gỽeith. Y neb a talho kynnassed
o tir; ny thal hỽnnỽ ebediỽ pan vo marỽ.
Or byd tir rỽg gỽelygord heb rannu.
kyn bỽynt meirỽ oll eithyr vn dyn.
yr vn hỽnnỽ a geiff y tir kyffredin oll.
| « p 35v | p 36v » |