NLW MS. Peniarth 38 – page 67r
Llyfr Blegywryd
67r
trỽy deturyt gỽlat yn erbyn haerlluged. vn yỽ dadyl
am venfyc neu ỽystyl neu afael yssyd vn gyfreith. Eil
yỽ dadyl y|bo amdiffyn yndi nyt amgen gỽat am|tir
Tryded yỽ dadyl o|ỽrthtrymder y|brenhin yn erbyn
kyfreith. Teir kynefaỽt yssyd. kynefaỽt a|erlit kyfr ̷ ̷+
eith. a|honno yssyd kynhaladỽy. kynefaỽt a|raculae ̷ ̷+
nha kyfreith o|r byd idi aỽiidurdaỽt brenhinyaeth;
kynhaladỽy yỽ. kynefaỽt a lỽgyr kyfreith. ac yna
ny|dyly y|chymhell. Tri|pheth a|gadarnha defaỽt;
aỽdurdaỽt. a gallu. ac aduỽynder. Tri|pheth a|ỽa ̷ ̷+
nha defaỽt; gỽrthtrymder. ac agheugant voned.
a dryc·agreith O tri mod y|dosperthir braỽt gyghaỽs.
kyntaf yỽ trỽy odef. kanys godef a|tyrr pop kygha ̷ ̷+
ỽs. os braỽtỽr a odef rodi gỽystyl yn erbyn y varn
yn tagnefedus heb rodi gỽystyl yna y|chadarnhau.
dygỽydedic vyd y varn. Eil yỽ braỽtlyfyr rỽg deu
ỽystyl. Sef yỽ hynny. gỽystyl a|roder yn erbyn ba+
rn. a gỽystyl arall a|roder gyt a|r varn honno. Try ̷ ̷+
dyd yỽ braỽtỽr bieu dosparth rỽg deu dyn yn kyg ̷ ̷+
haỽs am y varn a|rodassei vdunt heb ymỽystlaỽ ac
ef. Tri ryỽ vanac yssyd. ac am pop vn o|r tri y|gosso ̷ ̷+
dir reith gỽlat ar dyn am ledrat. vn yỽ dyfot y coll ̷+
| « p 66v | p 67v » |