NLW MS. Peniarth 45 – page 122
Brut y Brenhinoedd
122
ieueinc y wneuthur. brenin. onadunt. Ac ny
welaf ui o|th lin ti a allo bot yn urenhin
ac ỽrth hynny o bydy ti ỽrth gynghor. Ac
ychwanegu medyant a|chyuoeth y min+
heu. Mi amchoelaf ỽyneb y pobyl parth
ac attat ti. Ac a paraf dy tynnu o|r abit
hỽnnỽ. ket boet gỽrthỽyneb gan yr ur+
das a|th wneuthur yn urenin. A llawenhau
yn uaỽr a wnaeth constans o hynny. Ac ad+
daỽ rodi pob peth ỽrth y gyghor o|r uren+
hinyaeth. A|e kymryt a oruc gortheyrn
gỽrtheneu o|r uynechtit a|e wisgaỽ o uren+
hinaỽl dillat a dyuot ac ef hyt yn llunde+
in. Ac o ureid cael canyat y pobyl y dyrch+
auel yn urenin. Ac yna marỽ uuassei cu+
helyn archesgob llundein. Ac ỽrth hynny
ny chaffat un esgob a|e kyssecrei ỽrth y tyn+
nu o|r creuyd. Ac eissoes nyt ebryuygỽys
Gortheyrn hynny namyn mynet e hun
yn lle esgob a gwisgaỽ coron y teyrnas
am penn constans ac y·uelly y urdaỽ yn urenin.
AC gwedy dyrchauel constans yn urenin.
y rodes ef llywodraeth y teyrnas yn
llaỽ gortheyrn gortheneu ac e hun ỽrth
y dysc Canys amgen dysc a dysgassei ef yn
y claỽstỽr no llywyaỽ brenhinyaeth. Ac gỽe+
| « p 121 | p 123 » |