NLW MS. Peniarth 45 – page 226
Brut y Brenhinoedd
226
1
y wlat a|e dỽyn trethaỽl udunt trỽy treis.
2
A phỽy|bynhac a odiwedher trỽy treis ny dy+
3
ly caffel kedernyt yỽ gynhal. Ac ỽrth hynny
4
Can ydiỽ amheraỽdyr ruuein. trỽy anylyet
5
yn keissaỽ yn bot ni yn trethaỽl idaỽ ef a
6
minheu trỽy dylyet iaỽn a|holaf teyrnget
7
o ruuein idaỽ ef. Ar cadarnhaf o·honom;
8
kymeret teyrnget gan y gilyd. Canys
9
uy ryeni inheu a oresgynassant y ruuein
10
Beli a|bran meibon dyuynwal moel mut
11
a grogassant pedwar gỽystyl ar|ugeint
12
o dyledogyon ruuein rac bron y gaer. Ac
13
a|e medassant trỽy hir amser. Ac gỽedy
14
hynny Custennin mab helen. A maxen wle+
15
dic uyg kereint i a|uuant amherodron ruuein.
16
Ac o ynys prydein. y goresgynnassant. A phony
17
bernỽch chwitheu dylyu o·honaf ui teyrn+
18
get o ruuein. O freinc hagen ac o|r ynyssed
19
ny ỽrthebaf ui idaỽ ef. Canys amdiffynnỽ+
20
ys pan y goresgynneis i wyntỽy. ~ ~ ~
21
AC gỽedy teruynu yr amdraỽd* hỽnnỽ
22
y rodes hywel uab emyr llydaỽ ym bla+
23
en paỽb atteb idaỽ ual hyn. Gwedy medy+
24
lyei paỽb o·honam ni ar neill tu. A mene+
25
gi o·honam pob un y synnỽyr yn wahanedic
| « p 225 | p 227 » |